Un home afincado en Lugo e de orixe sudamericana foi detido con relación ó roubo sucedido nunha vivenda en Sarria e no cal dous menores de idade de 8 e 11 anos foron atados e encerrados no cuarto de baño.

A Garda Civil localizou ao suposto delincuente por ser el o titular da furgoneta de alquiler que usaron para entrar na vivenda. Actualmente, o veciño lucense atópase á espera da súa disposición xudicial en dependencias da Garda Civil de Lugo. Mentras tanto, efectivos da benemérita seguen a traballar para localizar ós outros dous delincuentes.

Todo sucedeu o mércores á tarde. 3 ladróns entraban na vivenda dunha familia de orixe chinesa en Sarria. O suceso, que tivo lugar ó redor das 18:30 horas, tiña como obxectivo o roubo de diñeiro en efectivo e xoias que a familia tiña a bo recaudo no domicilio. Tras menos de media hora no interior da vivenda, os 3 ladróns déronse á fuga nunha furgoneta alquilada.