HomesociedadePiden seis anos de prisión para o presidente dunha comunidade de montes...

Piden seis anos de prisión para o presidente dunha comunidade de montes de Sarria por quedar con 66.000 euros

Deberá indemnizar a Comunidade de Montes Veciñais en Man Común de San Xulián de Chorente con ese diñeiro.

Publicado o

- Advertisement -

A Sección 2 da Audiencia Provincial de Lugo celebrará o vindeiro venres día 30 un xuízo contra o que fora presidente da Comunidade de Montes Veciñais en Man Común de San Xulián de Chorente, en Sarria, por quedar con case 66.500 euros da sociedade, polo que a Fiscalía pide seis anos de prisión.

Tal como recolle no seu escrito o Ministerio Fiscal, o acusado, entre outras funcións, encargábase da xestión da conta da entidade e estaba autorizado para realizar operacións nela.

Deste xeito, “inspirado polo ánimo de enriquecerse de maneira ilexítima” e “prevaléndose do cargo que ocupaba”, entre os días 11 de xullo de 2011 e 9 de xullo de 2017, “realizou múltiples operacións para apropiarse dun total de 66.448”.

Así mesmo, Fiscalía afirma que o acusado actuou “en prexuízo da comunidade e sen o consentimento” dos seus membros. Ademais, a Comunidade de Montes non recuperou “ningunha das cantidades” que foi retirando o acusado da súa conta.

O Ministerio Fiscal sinala que estes feitos supoñen un delito continuado de apropiación indebida agravada, por superar a cantidade defraudada os 50.000 euros. Así mesmo, constitúen un delito de falsidade en documento mercantil.

Por iso, a Fiscalía pide impor ao acusado a pena de seis anos de prisión. Ademais, deberá indemnizar a Comunidade de Montes Veciñais en Man Común de San Xulián de Chorente con 66.448,5 euros.

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...