A empresa Lemos y Taboada, en Sarria, desenvolve a súa actividade na comercialización de castañas, un froito típico e característico da montaña lucense, na que existen importantes extensións de soutos.

A empresa ampliou as súas instalacións coa compra e urbanización dun terreo de 7.119 metros cadrados no acceso o polígono industrial de Morelle, construíu unha superficie cuberta e adquiriu nova maquinaria con axudas da Consellería do Medio Rural.

Entre o novo equipamento adquirido atópase maquinaria precisa para o preparado comercial da castaña: distintas liñas de calibración, esterilización, escollido e secado, así como sistemas para pesar o produto e envasalo, equipos informáticos e distinto material de transporte.

O delegado territorial da Xunta visitou as instalacións desta compañía que recibiu unha  achega autonómica , por valor de 372.000 euros.