O vindeiro luns día 10 o guitarrista venezolano Pablo Mendoza ofrecerá unha clase maxistral no Centro Cívico de Monforte. O acto, que está organizado pola Escola de Música de Moderna, terá lugar ás 20:30 e será totalmente gratuito.
Mendoza, de orixe venezolana, está considerado como un dos mellores guitarristas de Latinoamérica. Deste xeito, durante a súa extensa carreira como músico de rock, ten colaborado con artistas coma Joe Satriani e Paul Gilbert. A súa parada en Monforte está enmarcada nunha xira por España na que está a impartir clases maxistrais en diversos puntos do país.
Esta conferencia estará especialmente dirixida a motivar aos afeccionados á música para que consigan as ferramentas para mellorar a súa técnica. Ademais, Mendoza sorteará entre os asistentes un dos seus discos de estudios, así como un álbum da banda de rock Backhand, na que el participaba.
