A Mesa pola Normalización Lingüística na zona de Lemos organiza, por terceiro ano consecutivo, unha actividade infantil aproveitando estas datas de Nadal. A idea da entidade é levar, de forma rotativa, esta acción de dinamización do galego a concellos do sur de Lugo, sendo este ano Quiroga o concello escollido.
O espectáculo, previa proposta ao concello en cuestión e aceptación deste, cedendo un espazo, é financiado integramente pola MESA correndo tamén co gasto de impresión da cartelería.
Así, pois, a Casa da Cultura de Quiroga acollerá o vindeiro sábado 4 de decembro ás 18:00 h. o espectáculo de contos do narrador Caxoto, “Un Paxe Real en Apuros”.