O Concello de Sober organiza para o venres 29 de xuño unha xornada de portas abertas nas piscinas municipais con acceso gratuito a todos os usuarios.
O horario de acceso ó público será de 13:00 a 21:00 horas de luns a domingo e podrán gozar de acceso wifi gratuíto. O espazo de lecer estival foi modificado e este ano os bañistas poderán desfrutar dunha zona de sombra na carballeira ademais de ser o punto onde se celebrarán parte das actividades programadas polo Goberno local.
A partir do venres, o prezo da entrada será de 2,50 euros para os adultos e de 1,50 para os menores de idades comprendidas entre os 10 e 15 anos. Igualmente, o Concello pon a disposición dos usuarios bonos mensuais. Deste xeito, o bono mensual familiar custará 40 euros e individual mensual, 30 euros.
Para este verán tamén están organizadas diversas actividades para todas as idades como cursos de natación para nenos e adultos, aquagym, bibliopiscina, xincanas, talleres e actuacións entre outras.
