InicioCulturaOswaldo Digón: “Todos levamos un narrador dentro con centos de historias tabernarias”

Oswaldo Digón: “Todos levamos un narrador dentro con centos de historias tabernarias”

Será a cara do Sarria Sorrí esta semana, o evento cultural que trae a grandes estrelas do stand-up comedy para dinamizar a cultura e economía da comarca sarriá.

Publicado o

POR
XMF
- Advertisement -

O monologuista coruñés, orixinario de Becerreá, actuará este 15 de agosto ás 22:30 h. no local de Sarria O Meigallo. O acceso será de balde pero a partir de reserva previa de invitación. Digón é un cómico recoñecido a nivel nacional, pasou polo espectáculo “Las Noches de El Club de La Comedia”, participou en programas da Televisión de Galicia e este verán está levando os seus monólogos por todo o territorio galego.

En Sarria Sorrí presenta Diálogos en 3D, un espectáculo dunha hora de duración no que reflexiona sobre temas transcendentais na súa vida e na de calquera: as cousas que “fan bola”, o fracaso e, sobre todo, o medo. Falamos con Oswaldo.

“Todos levamos un narrador dentro con centos de historias tabernarias que despregamos á mínima de cambio”

De  onde  che  vén o talento para contar?

En primeiro lugar, grazas polo de “talento”. O gusto de contar venme desde neno, encantábanme as historias que me contaban ou que lía. Despois contáballas ó que me quixese escoitar. Todos levamos un narrador dentro con centos de historias tabernarias que despregamos á mínima de cambio, ás veces aínda que a persoa que escoita non lle apeteza … No meu caso teño a sorte de que se lles apetece escoitar as miñas.

Que valor diferencial  cres que  teñen vos narradores e narradoras  galegos/ as?

Os narradores e narradoras galegas empapámonos dunha contorna marabillosa. O mundo rural, a retranca, a sociedade galega, o idioma tan rico que nos proporciona precisión para expresar o que queremos… Centos de estímulos para mostrar a realidade e a ficción que nos rodea. Cada espazo ten as súas pero… a nosa é a mellor. 

Como referentes galegos Carlos Blanco e Quico  Cadaval e fóra de Galicia Quico  Cadaval e Carlos Blanco

Que referentes destacarías non mundo dá narración oral, de Galicia e/ ou de  fóra?

Como referentes galegos Carlos Blanco e Quico  Cadaval e fóra de Galicia Quico  Cadaval e Carlos Blanco. 

En que  aproveitaches o tempo  na  corentena e como estás  levando este ano de pandemia no profesional?

Estiven a preparar un espectáculo, que acabamos de estrear o pasado sábado día 8, con Carlos Blanco. Traballábamos e repasábamos texto  Online todolos días. O espectáculo chámase  QUEN  DIXO  MEDO! e aínda que a idea tiñámola antes da pandemia o proceso de creación foi  durante o confinamento. As actuacións en directo, aínda que sexan totalmente seguras, aínda se están levando con precaución e son contadas as veces que subo a un escenario neste ano. Por iso cando o fago é vou coa intención suprema de pasalo ben e de que a xente que veña verme disfrute moitísimo. 

Que che inspira  á hora de elaborar os textos que interpretas?  Escribiches algo sobre a situación actual?

A realidade apaixóname. Unha cousa é como vexa eu as cousas e outra é como a vexan os demais. Ese punto intermedio entre os distintos puntos de vista é o que se achega, aínda que sexa minimamente,  á realidade. Traballar ese proceso entusiásmame. En canto á segunda pregunta. No texto de  “QUEN  DIXO  MEDO!” falamos do tema aínda que non é o fío condutor. Polo que a miña reposta é  que si, escribín sobre iso. 

“Sempre que me subo a un escenario mostro algo da miña forma de ser e de ver as cousas”

Cartel de Oswaldo Digón para o “Sarria Sorrí”

Avánzanos algo do espectáculo deste sábado en Sarria.

Sempre que me subo a un escenario mostro algo da miña forma de ser e de ver as cousas. Non me gustan “os Tristes”. O meu pai para min é un pozo de sabedoría terreal e honesta que coñeceredes en Sarria… e unhas cantas cousas máis. O que quero mostrar é como son e o que espero desta sociedade, na que aínda teño esperanza.  Fágoo con humor,  non se rezar doutra forma.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...