A terraza do Círculo Saviñao continúa acollendo concertos. Este sábado actuou o dúo Dos en Punto formado por Carlos Bau e Hugo Torreiro, da Coruña, que interpretaron una selección das mellores cancións pop españolas. Son dous artistas de xeracións diferentes pero unidos no reto de poñer as terrazas en pé coa súa música.
Carlos Bau e Hugo Torreiro ofreceron un repaso ós grandes éxitos do pop español dos anos 80-90. No seu repertorio e particular ‘máquina do tempo musical’ houbo algo para todos: Los Secretos, Nacha Pop, Luz Casal, Hombres G, La Guardia, Mecano, Radio Futura, Ronaldos, Loquillo, Masiel, Sabina … xunto cunha longa lista de grandes artistas e cancións nacionais, especialmente éxitos de onte, hoxe e sempre.
Foi ademais unha actuación amena e divertida que socios e amigos do Círculo Saviñao en Escairón aplaudiron e desfrutaron.
