O Concello de Quiroga tiña programado para vindeiro domingo, día 8 de novembro, o espectáculo infantil “Proxecto Noee” a cargo de Sarabela Teatro no Auditorio Municipal.
Co obxectivo de protexer á poboación, e por prudencia ante a situación sanitaria actual, o Concello decidiu non desenvolver actividades susceptibles de concentrar público. Ante tal situación, e como estaba programado o espectáculo para o domingo 8 ás 18:00 h. no Auditorio Municipal de Quiroga, decidiuse buscarlle unha alternativa para non ter que cancelalo. Aproveitando as posibilidades que ofrece a tecnoloxía, a función realizarase sen público mediante unha retransmisión en directo (a través de streaming) para que veciños e veciñas poidan gozar do espectáculo dende as súas casas accedendo por internet na seguinte ligazón: https://youtube.be/LoMNnS_s8c
Esta actividade, patrocinada pola Xunta de Galicia, a través do “Fondo de Proxectos Culturais Xacobeo 2020/2021″, está dirixida a público infantil e familiar e ten como obxectivo a transmisión de valores como a amizade, a conservación do planeta, a convivencia e o pensamento crítico a través das peripecias que lle ocorren a tres pingüíns.
