“Jewish Journeys. Los viajes del pueblo judío” percorre as diferentes motivacións que o ser humano afronta á hora de realizar unha viaxe. Viaxar dun lugar a outro, física, espiritual ou emocionalmente, coloca ás persoas nun camiño de transición.
A exposición permanecerá aberta na Casa da Cultura Poeta Lois Pereiro de Monforte ata o 5 de abril (só días laborables), en horario de 10:00 a 13:30 e de 16:00 a 21:00 horas, e para visitala haberá que respectar os aforos e recomendacións ante a Covid-19 establecidos polas autoridades sanitarias.
Fundada en Xerusalén en 1982, a Biblioteca Nacional de Israel (NLI) serve de biblioteca tanto ó Estado de Israel como a todos os xudeus do mundo, pois dispón dunha inmensa variedade de contidos en diferentes formatos que documentan a historia, cultura e legado da xente xudía durante séculos.
