HomeCultura“Ons” estrea este venres en Chantada as proxeccións das películas finalistas dos...

“Ons” estrea este venres en Chantada as proxeccións das películas finalistas dos Mestre Mateo

O Auditorio Municipal de Chantada acollerá durante o mes de xuño as proxeccións dos filmes galegos “Ons” de Alfonso Zarauza, “A illa das mentiras” de Paula Cons, “Arima” de Jaione Camborda e “Lúa Vermella” de Lois Patiño.

Publicado o

POR
Redacción
- Advertisement -

A Vicepresidencia da Deputación de Lugo e a Academia Galega do Audiovisual promoven este ciclo de cinema galego, que reúne as catro películas finalistas aos Premios Mestre Mateo na categoría de Mellor Longametraxe nesta útlima edición.

As proxeccións comezarán este venres, ás 20.00 horas, co pase de “Ons”, recoñecida con nove galardóns, entre eles o de Mellor Película, e continuarán os días 11, 18 e 25 de xuño, á mesma hora.  A entrada será libre ata completar a capacidade autorizada no auditorio, de 100 persoas.

Maite Ferreiro explicou que “tras as proxeccións que se organizaron nas últimas semanas en Foz e Vilalba, levamos este ciclo de cine galego a Chantada, onde se poderá disfrutar en pantalla grande dos mellores filmes da temporada en galego”

A tamén responsábel de Cultura subliñou que “é a primeira vez que desde a institución provincial se aposta por unha iniciativa coma esta” e agradeceu a colaboración na organización das proxeccións de Airoá Comunicación, que ten unha ampla traxectoria de compromiso coa cultura galega e coa diversidade e a conciencia crítica, fundamentalmente a través da creación audiovisual.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...