As citas máis tradicionais do entroido na zona sur, o Entroido Ribeirao e o Oso de Salcedo, este ano seguiron padecendo as consecuencias da pandemia, o primeiro non se celebrou e o segundo tivo un acto simbólico este luns no que se homenaxeou ao oso.
Pero aínda así había na xente intención de gozar destas festas e a maioría dos concellos vestíronse de entroido grazas ás iniciativas veciñais que nalgúns casos recuperaban a celebración despois de décadas.
No concello de Folgoso do Courel despois do parón da pandemia, esta fin de semana a veciñanza gozou de dous días de entroido. Percorréronse unha chea de aldeas para recuperar un antroido tradicional que estaba a piques de morrer. Están moi satisfeitos co resultado porque cada vez se foi unindo máis xente e os pibos agardan con muito intusiasmo a chegada da festa.
E Monforte celebra este martes o día grande do entroido co desfile de comparsas e carrozas que partirá ás 17.00h da Praza da Estación. Desfilarán 718 persoas, 16 comparsas con 3 comparsas de máis de 90 integrantes, outras 3 de entre 51 e 90 e 4 de entre 25 e 50 integrantes. Completarase o desfile con disfraces individuais e outras comparsas de menos persoas.
