Recta final da Rota do Románico e sábado de Boleros en Pantón

Cunha conferencia este venres, 24 de xuño, a partir das 20:00 na Casa da Cultura de Pantón e un concerto, o día 26 a partir 19:00 no Mosteiro das Bernardas remata unha nova edición da Rota do Románico de Pantón. E o concello acolle o día 25 unha homenaxe á música latina.

Rota do Románico 2022 / Facebook Concello de Pantón

O concello de Pantón recuperaba despois de dous anos de pandemia a celebración dunha das súas actividades máis emblemáticas, as Xornadas da Rota do Románico. As actividades desenvolvéronse en diferentes días entre o 29 de maio e o 26 de xuño; abrindo e pechando con concertos.

Os concertos desenvolvéronse no Mosteiro Cisterciense do Divino Salvador de Ferreira, comezando co grupo vocal Solo Voces e pechando o domingo, 26 de xuño, cun concerto do grupo de cámara Cuarteto Provenza. A cita será a partir das 19:00.

Como actividade previa a este concerto de clausura da Rota do Románico, este venres, 24 de xuño, ás 20:00h. no salón de actos da casa da cultura, Javier Gómez Vila, Doutor en Arqueoloxía e Historia Antiga falará da presenza romana na Ribeira Sacra.

Ademais de pechar as Xornadas da Rota do Románico de Pantón; o concello organiza para este sábado unha homenaxe á música latina. A partir das 23:00 SonBoleros soará na Praza do Concello.

DEIXAR UN COMENTARIO

Please enter your comment!
Please enter your name here