A actuación, aberta ao público e gratuíta, tamén servirá para presentar algunhas novidades do grupo como o seu novo cantante, o ourensán Fran, e algúns temas novos que están a incorporar ao seu novo repertorio.

Trátase dunha actividade de dinamización de verán que se organiza baixo a iniciativa do Bar Central e Hermanager Producións e coa colaboración do Concello de Ribas de Sil.

DOC MAGOO’S

Senlleira banda monfortina de Rock & Roll avalada por unha traxectoria de máis de 20 anos rodando polos escenarios de toda Galicia. Especializados en versionar aos grandes de todos os tempos, nos seus concertos pódense escoitar temas míticos da escena musical internacional. Neil Young, The Black Crowes, Prince, Police, Rolling Stones, Lenny Kravitz, The Doors, Beatles, Bob Dylan, entre outros, atópanse entre o seu repertorio.

Doc Magoo’s destacan, entre outras cousas, polo seu auténtico, potente e puro concerto en directo. Integran a formación: Franki: Guitarras, Piérrez: Teclados, Napo: Baixo, Pistón: Percusión, Luaña: Armónicas e Fran: Voz.