Este venres 21 de outubro, comeza a tempada de cinema na Casa da Cultura de Sarria coa proxección de ‘O Rei León’ ás 17:30 h.

Esta película será a primeira dun ciclo pensado para a cativada que levará varios títulos á pantalla grande ata o 25 de novembro. Os seguintes filmes serán ‘Coco’, o 28 de outubro; ‘A Bela e a Besta’, o 4 de novembro; ‘Buscando a Nemo’, o 11 de novembro; ‘Monstros SA’, o 18; e ‘Ratatuille’ o 25.

DOCUMENTAL

O vindeiro domingo, 23 de outubro, a Casa da Cultura acollerá ás 20:00 h. a proxección do documental “Elías Valiña. O inventor das frechas amarelas”.

Trátase dun documental de 40 minutos de duración dirixido por Aser Álvarez e producido por Acude Rural co apoio de Arraianos Produción.

No traballo audiovisual faise un percorrido pola vida e as obras de Elías Valiña, o crego do Cebreiro, divulgando o seu papel esencial coma un dos principais precursores do asociacionismo xacobeo, pioneiro nos estudos e na sinalización do Camiño de Santiago, así coma un actor fundamental no rexurdimento contemporáneo do fenómeno das peregrinacións a Compostela.