InicioCultura“Esencial”, do pintor valdeorrés Jesús Díaz Ferrer ata o 27 de febreiro...

“Esencial”, do pintor valdeorrés Jesús Díaz Ferrer ata o 27 de febreiro na casa da cultura de Monforte

A mostra organizada polo historiador Luis Enrique Rodríguez, Coquixo, e polo Concello do Barco, xurdiu como acto conmemorativo no centenario do nacemento do pintor e durante os próximos días permanecerá na cidade de Monforte para amosar as creacións de Díaz Ferrer a todos os visitantes que asistan á casa da cultura.

Publicado o

POR
Redacción
- Advertisement -

Díaz Ferrer considerado como un artista esencial na creación pictórica do S.XX, necesita aínda ser reivindicado pola súa importancia dentro das correntes europeas e galegas desa época, xa que non deixou de ser un pintor de culto, a pesar de que as súas obras compartiron espazo xunto ás de Matisse e Picasso e foron comercializadas nas casas de subastas máis prestixiosas de España.

O proxecto intenta amosar ó publico o “esencial” da obra deste artista, e tal e como afirma Luis Enríque Rodríguez «coa exposición preténdese dar a coñecer de onde sae a súa pulsión creativa e como era Díaz Ferrer como creador», engade o comisario da mostra que, por tanto, non é unha exposición temática, senón, explicativa de Díaz Ferrer”.

Nesa búsqueda da esencia, Coquixo decidiu prescindir da cor tan característica da obra do artista. Por iso recuperou bocetos, gravados e debuxos en branco e negro dos que Díaz nunca se desprendeu e que garda como un tesouro a súa viúva, Micheline Langlois, con eles pódese apreciar e comprender o seu proceso creativo.

Pero tampouco é todo en branco e negro, porque Ferrer foi un pintor colorista. Así que ese apartado ten o seu propio espazo a través de oito cadros que recollen os bocetos para telas que Ferrer deseñou no ano 1958 para a empresa de tecidos na que traballaba na cidade suíza de Zúrich. «Supón un bo mostrario do seu traballo para comprobar ata onde podía chegar como colorista», defende Coquixo. Caso atípico e xenuíno dentro da arte galega contemporánea.

.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...