InicioCulturaO Domingo Lambedoiro do Entroido Ribeirao arrinca o entroido na Ribeira Sacra

O Domingo Lambedoiro do Entroido Ribeirao arrinca o entroido na Ribeira Sacra

O Concello de Chantada celebra o 10 de febreiro o seu Desfile de Comparsas, que comezará ás 17:00h. Contará con 5.000€ en premios.

Publicado o

POR
Redacción
- Advertisement -

O Entroido no Concello de Chantada comeza este domingo, 28 de xaneiro, Domingo Lambedoiro. Xornada na que se abre un dos entroidos máis tradicionais da Ribeira Sacra, o Entroido Ribeirao que se celebra a partir das 16:00h en Santiago de Arriba e que ás 11:30 fará un desfile polas rúas de Chantada xunto con personaxes doutros entroidos tradicionais de Galicia como o Oso de Salcedo, Boteiros e Fulións de Viana do Bolo, Troteiros de Bande, Felos de Esgos ou Farrumecos de Sobradelo.

“Celebramos esta xuntanza de entroidos con entroidos amigos que veñen celebrar con nós o que é o comezo desta festa. Pola tarde, en Santiago de Arriba cruzaremos as hortas e no campo do Moredo realizaremos o Entroido, con todos os personaxes característicos do Entroido ribeirao”, sinala Iván González Rey da Asociación de Amigos do Entroido Ribeirao.

O Entroido Ribeirao de especial interese polo seu carácter etnográficocontinuará coas representacións noDomingo Corredoiro, oDomingo de Entroido e o 13 de febreiro, Martes de Entroido.

Desfile Comparsas Concello de Chantada

E como en anos anteriores será o Entroido Ribeirao, co que colabora o Concello de Chantada, o que abra o Desfile de Comparsas que o concello organiza o 10 de febreiro, e que comezará ás 17:00h na Avda de Lugo, á altura da Domusvi.

As bases, que se poden consultar na páxina web, recollen dúas categorías: Comparsas Absoluta para aqueles grupos formados por máis de 15 persoas e Comparsas Infantil, grupos de máis de 15 persoas formados íntegramente por menores de 14 anos, ou que máis dun 70 % dos seus membros sexan menores desta idade. Nas dúas categorías establecénse os seguintes premios:

  • 1º PREMIO: 1.000,00 €
  • 2º PREMIO: 700,00 €
  • 3º PREMIO: 500,00 €
  • 4º PREMIO: 300,00 €

Para incentivar a participación entregaranse 100,00€ a cada comparsa de máis de 15 integrantes. Esta axuda daráselle a un máximo de 10 comparsas, de superar esta cantidade priorizarase a orde de inscrición. Así desde o Concello de Chantada destínanse a este desfile 6.000€, 5.000€ en premios e 1.000€ en axudas. Ao remate do desfile haberá chocolatada popular e actuación das orquestra Trebol.

As persoas e grupos interesados en participar poden inscribirse no Rexitro do Concello ou no teléfono 982 440 011. Ábrese o prazo ao día seguinte, de que esta semana saian publicadas as bases no BOP, e permanecerá aberto ata o 7 de febreiro, presentando:

  • Solicitude asinada polo participante ou representante legal
  • Fotocopia do DNI do solicitante e no seu caso do CIF

O mércores, día 7 de febreiro, ás 20:00h celebrarase unha reunión de obrigada asistencia na Casa da Cultura na que participará un representante de cada comparsa. Aportarase ademais o audio, de non máis de 3 minutos, que se reproducirá durante o desfile. Esta xuntanza servirá para aclarar dúbidas e precisar o lugar que cada quen ocupará no desfile.

O xurado valorará de 1 a 10 cuestións como o vestiario e orixinalidade dos disfraces, a posta en escena durante o desfile, a simpatía e a gracia dos participantes, a orixinalidade da carroza ou plataforma, o título da comparsa ou grupo e a actuación final diante do palco.

ÚLTIMAS

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...

Velada literaria con Pedro Feijoo este 24 de febreiro no restaurante Trespés de Monforte

O escritor charlará sobre a súa última novela "Ninguén contará a verdade" que recibiu...

Avánzase na supresión dos pasos a nivel de Río Seco e Juan Montes en Monforte

Dende a Dirección General de Planificación y Evaluación de la Red Ferroviaria convocouse ós...

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...