O Concello de Monforte acolle este sábado 10 de agosto a celebración dunha nova edición da Gala Máxica, unha actividade que empeza a consolidarse xa no programa do Verán Cultural monfortino.
Salientar que nela fai de anfitrión o Mago Iago, un mago emerxente monfortino que vai medrando ano a ano aumentando o número de actuacións en diferentes eventos a nivel de Galicia. Nesta gala coincidirá co Mago Rafa, un dos magos xunto con Roberto Lolo que levan tempo axudándolle na formación e proxección profesional, e tamén con Dani Polo.
Este xornal pode presumir de ser o primeiro que o entrevistou, cando tan só contaba con 6 anos. Podedes recuperar a entrevista AQUÍ.
A gala organizada polo Equipo de Goberno do Concello de Monforte está patrocinada polo AGADIC da Xunta de Galicia e celebrarase na Praza de España a partir das 22:30 horas.
