O río Tea ao seu paso polo concello pontevedrés de Mondariz Balneario foi o escenario da 1ª Copa de Slalom olímpico 2021 para as categorías infantil, cadete, xuvenil e senior.
O Club Quixós de Monforte presentouse con 8 piragüistas, na que era a primeira competición do ano, e os resultados foron moi satisfactorios segundo nos conta o seu director deportivo, Santi Díaz.
Detallamos a clasificación por deportistas:
Nerea Gutiérrez foi segunda en K1 infantil; Jacobo 1º en C1 e 2º en K1 infantil; Noa 1ª en K1 e 2ª en C1 cadete; Ximena Prats 3ª en K1 e C1 cadete; Efrén Álvarez 3º en C1 e 6º en K1 cadete; Claudio Fernández 3º en C1 e 6º en K1 xuvenil; Gabriel Rodríguez 7º en K1 xuvenil; e Nicolás Díaz 14º en K1 senior.
Nas redes sociais de Quixós teñen xa subidas fotografías da súa participación no evento.
