O Concello de Monforte investiu un total de 60.001,87 € nesta obra que levou a cabo a empresa Sicyme S.L.L. e que consistiu, por unha banda, en dotar á instalación de subministro eléctrico propio, para o que foi necesario adaptar e reformar a instalación eléctrica existente, e por outra na instalación dunha iluminación exterior que proporcione os niveis necesarios para a práctica deportiva nocturna. A instalación de alumeado exterior ten unha potencia de 12.800 W (16 focos de 800 W c/u) que permite un nivel de iluminación medio de 145 lux.
A continuación, disputouse o primeiro partido nocturno, un amigable que enfrontou ó Club Lemos co C.D. Barco, equipo que milita no grupo 1º da Terceira división de fútbol e que a día de hoxe ocupa os primeiros postos na táboa clasificatoria.
