A expedición do club monfortino de piragüismo que se desprazou ata Tomiño este pasado domingo volvía para Monforte leda e satisfeita polos bos resultados que se traduciron nunha chea de medallas. As promesas que competían na Copa Galega de Promoción acadaron 10 medallas, resultado que lle deu ao club o primeiro posto por equipos, por enriba do Teixugos e do Tea Mondariz, respectivamente.
Sara levou dous ouros, un en K-1 e outro en C-1 infantil; Martín levou un ouro en K-1 e unha prata en C-1 infantil; Abril trouxo de volta un ouro en K-1 benxamín feminino e Antón e Mateo foron ouro e prata respectivamente en K1 benxamín; Rodrigo acadou dous metais, un ouro en C-1 e un bronce en K-1 alevín; e Lucas foi prata en C-1 alevín.
Participaron a gran nivel, pero non alcanzaron o podium: África, Manuel e Edgard.
Exerceu como responsable do equipo Iván Gutiérrez porque Santi Díaz estaba na Seu d’Urgell acompañando a Noa, piragüista que rematou no posto número 8 da 1ª Copa de España de Kayak Cross.
