Moi bos resultados para os deportistas do Club de Piragüismo Quixós no Barco de Valdeorras esta pasada fin de semana, 11 e 12 de maio.
En augas valdeorresas disputábanse a Copa de España Sprint e Clásica, competicións nas que os monfortinos acadaron un total de 16 medallas. Destacaron en categoría xuvenil Noa Díaz con 4 medallas (3 de ouro e unha de bronce) e Efrén con 3 (1 de ouro e 2 de prata), así como tamén a veterá Priscila, como revelación, con 2 medallas. O Quixós quedou segundo por equipos.
Tamén se disputou o Campionato Galego de Descenso de Augas Bravas, onde o Quixós quedou primeiro por equipos. O total de medallas da expedición monfortina foi de dez.
O detalle dos e das piragüistas condecorados con medallas pódese ver na páxina de Facebook do Club Quixós.
