A partir deste 1 de outubro farase parada temporal do servizo da Piscina municipal de Monforte polo inicio das obras para a súa mellora integral. A renovación total da Piscina municipal conta cun investimento de 2.047.009,42 €, participado polo Consello Superior de Deportes que concedeu unha subvención ó Concello para este fin de 644.882,94€, o que representa o 31,5% do investimento; a Deputación Provincial de Lugo, que aporta, a través dun convenio co Concello, 600.000€, o que supón o 29,3%; e o Concello, que aporta 802.126,48€, o que representa o 39,2%. As

As obras van supoñer un cambio absoluto das instalacións: a entrada, a cafetería, o ximnasio, os vestiarios ou os propios accesos interiores á piscina. Contando cunha nova imaxe externa e interna e consonancia co mellorado pavillón da Pinguela.

Futura piscina da Pinguela / Concello de Monforte de Lemos

Este anteproxecto de reforma integral da Piscina municipal de A Pinguela, “é unha actuación moi necesaria na que levamos a traballar dende fai moito tempo”, e que vai a dar servicio tanto ó club de natación do municipio, coma ós 1.883 usuarios habituais (1396 abonados e 487 participantes en cursos de natación) cos que actualmente conta esta piscina, “que é o número máis alto de abonados que tivo a piscina ata agora”.

Tamén desde este 1 de outubro modifícase o horario da Pista Municipal de Atletismo da Pinguela, que será o seguinte:

• De luns a venres non festivos: de 9:00 a 22:00 h. en horario ininterrompido.
• Fins de semana e festivos: a instalación abrirá exclusivamente para a actividade de clubs deportivos federados.

Pista de Atletismo Monforte / Concello de Monforte