HomeEconomíaSEA e SEPES avalan a boa marcha do Polígono do Reboredo en...

SEA e SEPES avalan a boa marcha do Polígono do Reboredo en Monforte

O director xeral do SEPES, Fidel Vázquez, e Beatriz Sestayo, xerente de SEA, coñeceron de primeira man a situación deste polígono empresarial monfortino tras unha reunión co alcalde José Tomé Roca este luns 14 de marzo.

Publicado o

POR
Redacción
- Advertisement -

Fidel Vázquez, director xeral do SEPES –Entidad Pública Estatal del Suelo–, acompañou este luns 14 de marzo a Beatriz Sestayo, xerente de SEA –Suelo Empresarial del Atlántico– para coñecer o estado da demanda de solo industrial en Monforte.

Nesta visita reuníronse co alcalde José Tomé Roca para avaliar a situación actual do polígono industrial do Reboredo, un dos 13 que xestiona SEA en Galicia, e coñecer a demanda empresarial que hai na zona.

Beatriz Sestayo evidenciou a boa marcha do mesmo co feito de que só quedan dispoñibles tres parcelas. Lembrou que o pasado 2021 adxudicáronse un total de 51.073 metros cadrados de solo industrial, oito parcelas por 1,2 millóns de euros, e neste 2022 a ‘empresa locomotora’ do Reboredo, Oviganic, reservou unha nova parcela de 3.000 metros cadrados. Todo o anterior, dixo, “repercutirá a curto e medio prazo nunha importante xeración de emprego, no marco dos obxectivos de recuperación do Goberno de España”.

Pola súa banda, o director xeral do SEPES, Fidel Vázquez, valoraba tamén moi positivamente esta que foi para el “unha primeira toma de contacto” coñecendo os datos e visitando, en compañía de Beatriz Sestayo e o rexedor monfortino, o polígono industrial.

ÚLTIMAS

Prazo de inscrición aberto ata o 10 de xuño para participar na XXV edición de Artelemos

Como o ano pasado a cita coa mostra de artesanía durará 6 días, nesta...

25.000€ da Deputación para promoción turística da Ribeira Sacra

O mandatario provincial, José Tomé, puxo en valor o labor do Consorcio de Turismo...

Festa da ‘Asociación de Empresarios e Comerciantes do Xeoparque’ en Quiroga

Este sábado día 24 de maio a Asociación de Empresarios e comerciantes do Xeoparque...

O CEIP da Gándara de Monforte estrea parque infantil

Este martes pola mañá o alumnado do CEIP A Gándara comezou a utlizar a...