O pasado 11 de xullo publicouse no BOP 157 a resolución provisional de subvencións para a realización de actividades de interese cultural e tamén as destinadas para investimentos e equipamentos culturais.

O incremento da dotación da convocatoria, á que este ano se destinaron 600.000 euros, 100.000 máis que o ano pasado segundo fontes da Área de Cultura da Vicepresidencia da Deputación de Lugo, traduciuse nun incremento das entidades beneficiarias. En concreto, concédense medio cento de axudas máis que en 2025.

Ademais, incrementouse a contía mínima das axudas, que se sitúan entre os 800 e os 2.500 euros, de acordo cos criterios establecidos nas bases.

A deputada de Cultura Iria Castro destacou “o traballo realizado polo servizo de Cultura para adiantar a resolución desta convocatoria, que tivo como todos os anos unha ampla demanda e que mostra o dinamismo do tecido cultural en todo a provincia”.