O documento constata un superávit ou remanente positivo de 1.078.367,17 euros, mentres que a regra de gasto da un incumprimento de 489.663,93 euros. Desde o concello sinalan, que segundo a análise de intervención o non cumprimento da regra de gasto é debido ó incremento respecto a 2017 pola subida do 1,5 de todo o ano e do 0,25 en medio ano de gastos de persoal e en 200.000 euros dos contratos derivados de IPC’s ás empresas incrementos de custe en axuda a domicilio, en recollida de lixo e aplicación do IPC noutros contratos.
En total, o Concello ten uns remanentes positivos de tesourería acumulada durante este mandato de 7.325.081,41 euros. Dos cales, 3 millóns de euros están depositados a prazo en entidades financeiras.
Por outra banda, a débeda viva do Concello a 31 de decembro de 2018 era de 481.000 euros, o que representa un 3,72%. Segundo apuntan desde o equipo de goberno, ó inicio do presente mandato a débeda viva do Concello era de 1.700.563,88 euros, “reducíndose por tanto a débeda que o Concello mantiña coas entidades bancarias en máis de 1.200.000 euros”. Desde o equipo de goberno din ter vontade de chegar a débeda cero a finais do presente ano.
