Belesar é un punto de interese clave na Ribeira Sacra pola importante cantidade de xente que o visita e fai a ruta bordeando o Miño ata a praia da Cova e por outros moitos motivos: por alí transcorre o camiño de inverno a Santiago, alí está o embarcadoiro dos catamaráns do Miño, a maiores da beleza e a singularidade da aldea.
Neste lugar está ubicado un dos puntos de feísmo máis escandaloso e máis antiguo da Ribeira Sacra, a estrutura inacabada do proxecto de hotel que o empresario Fortes iniciara hai máis de 15 anos e que aínda hoxe permanece paralizado.
Dende a asociación veciñal do Saviñao ínstase a rematar con esta inacción institucional e a iniciar unha rápida actuación que dea solución a este “despropósito urbanístico.”
A A.V. entrevistouse tamén co arquitecto municipal quen lles informou de que o pleito vén dende o 2004. “Trala denuncia da APLU e a solicitude de derrubo total, un recurso díante do TSXG faia a favor do empresario. Dende entón reciben os informes sectoriais favorables pero deben esperar a recalificación do terreo. No mes de decembro do 2021 apróbase dita recalificación polo que a intención é a de rematar a obra, para o que deben presentar novo proxecto e recibir os informes sectoriais favorables, o que vai retrasar úns anos o remate do edificio”, apuntan desde a asociación.
