O proxecto da Rede de Cruceiros Costeiros e Fluviais dos Destinos Náuticos Sostibles de España (Rede CCF) implantarase en 10 comunidades autónomas: Galicia, Estremadura, Castela e León, Aragón, País Vasco, Cataluña, Andalucía, Canarias, Baleares e Ceuta, e será liderado pola Asociación Galega de Actividades Náuticas – AGAN+ que leva desde 2016 desenvolvendo o concepto de cruceiros costeiros grazas a varios proxectos europeos de cooperación transfronteiriza con Portugal (POCTEP) e Interreg Espazo Atlántico con Francia, Reino Unido, Irlanda e Portugal.
Este proxecto, que pretende impulsar un gran cambio na oferta de turismo cultural con base náutica de España, foi seleccionado entre máis de 237 presentados e sendo o de maior contía cun importe de 1.999.980,00 €. O proxecto, cunha duración de 14 meses ata o 31 de decembro de 2023, ten o obxectivo de: “Crear a Rede de Cruceiros Costeiros e Fluviais dos Destinos Náuticos Sostibles de España (Rede CCF). Unha plataforma que funcionará como interlocutor a nivel nacional para planificar o desenvolvemento dos destinos náuticos e unha oferta estandarizada de cruceiros costeiros e fluviais en España para poder competir con outros grandes destinos europeos”. Crearanse cruceiros fluviais nos principais ríos, encoros e mares interiores de España, coa peculiaridade de que é necesario combinar os percorridos fluviais con percorridos terrestres para salvar as dificultades que supoñen a orografía do terreo e a existencia de presas, e que permitirán dar a coñecer a oferta turística de cada territorio.
En Galicia un dos socios participantes é o GDR Ribeira Sacra Courel, que terá un orzamento de 109.145,00 €, para actuar nas áreas fluviais dos ríos Miño e Sil ao seu paso pola Ribeira Sacra. Preténdese realizar unha actuación colaborativa para converter os ríos Miño e Sil en destinos náuticos fluviais sostibles.
Desde o 16 ao 18 de novembro desenvolvésese o meeting de lanzamento do proxecto en Galicia A este meeting ten confirmada a súa asistencia integrantes das 16 entidades implicadas no proxecto que veñen a Galicia para comprender de primeira man o concepto desenvolvido de cruceiros costeiros. A axenda comprende no segundo e terceiro día Ribeira Sacra – O Courel, ademais de traballar na planificación do proxecto, debaterase sobre sustentabilidade e accesibilidade, dos destinos náuticos, e sobre as futuras liñas de actuación da Rede de Cruceiros Costeiros e Fluviais. O protocolo de creación da Rede CCF terá lugar o 18 de novembro na Ribeira Sacra, na adega Regina Viarum.
