Xa se coñecen as fotos gañadoras do certame fotográfico de Segredos de Pantón

A asociación convocante, no Concello de Pantón, vén de fallar os premios. Na edición deste ano participaron 270 persoas.

1º Premio, "Atardecer". Autor: Alfonso Méndez.

Na edición deste ano do ‘V Concurso fotográfico de Nadal’ que organiza a entidade Segredos de Pantón tivo unha participación de 270 persoas, feito que enche de satisfacción aos convocantes.

Tras uns 6 días de votacións, o pasado 7 de xaneiro trasladáronnos o fallo dando a coñecer os 3 primeiros premios ás fotografías que máis votos levaron na plataforma Doodle.

1º Premio: “Atardecer”. Foto que levou 75 votos e na que sae O Castro de Ferreira (Santa María de Ferreira). Autor:  Alfonso Méndez Meilán.


2º Premio: “O regato de Galegos” con 74 votos. Foto realizada en Galegos (San Vicente de Castillón). Autora: María Ángeles Parga Vázquez.

2º Premio, “O regato de Galegos”. Autora: Mª Ángeles Parga.


3º Premio: “Outonal”, instantánea que obtivo 63 votos. Rigueiriña (Santiago de Castillón). Autora: Laura García Maceda.

3º Premio, “Outonal”. Autora: Laura García.


Dende a asociación trasladan os parabéns a todas e todos os participantes e nestes días poñeranse en contacto coas persoas afortunadas.

Os premios para as/os tres gañadores/as foron informados/as nunha publicación anterior en Xornal de Lemos.

DEIXAR UN COMENTARIO

Please enter your comment!
Please enter your name here