‘Ponte en marcha contra o cancro de mama’, este é o lema baixo o cal a Área de Muller do Concello de Quiroga, xunto co CIM (Centro de Información á Muller), convidan a participar nunha andaina para visibilizar a loita contra esta enfermidade.

Será o 19 de outubro ás 17:00 h., transcorrerá polo Paseo Fluvial da vila e terá como punto de encontro o parque do Auditorio Municipal, lugar onde se recollerán donativos e haberá material á venda para recadar fondos a favor da Asociación Española Contra o Cancro (AECC).