InicioOpiniónOPINIÓN: Cans e perros

OPINIÓN: Cans e perros

Gustaríame que estas liñas axuden ás persoas a reflexionar sobre o impacto dos seus actos – incluídos os lexislativos- na dignidade dos animais urbanizados e estabulados. O exemplo de animal que máis me doe son os cans.

Publicado o

POR
Luis Cortiñas, Asesor Gandeiro
- Advertisement -

Antes de nada, cómpre establecer as diferenzas entre os cans e os “perros” ou “perritos”. O primeiro que hai que aclarar é que os cans nunca estiveron en perigo de extinción. Levan milenios cumprindo cometidos como axudar ós seus amos en diferentes tarefas que fan mellor e máis sinxela a vida de ámbalas dúas especies. Defensa e garda do fogar, protección e manexo do gando ou mesmo compaña do amo, son funcións que o can desenvolve nun ámbito e un entorno axeitado ás súas características biolóxicas: solos brandos acordes ás gadoupas caninas; aires limpos e carentes de produtos químicos hixienizantes onde poden desenvolver a súa inmensa capacidade olfativa e potenciar o rastrexo; liberdade de movementos e socialización.

Lembrará quen se criou na aldea que o can comía todo aquelo que atopaba movéndose ceibe e que mesmo adubaba as leiras mediante as súas deposicións sólidas e líquidas. E lembrará tamén que, para as persoas de mala fe, o can era embaixador da casa do seu amo, deixando tarxeta de visita da fame e a crueldade.

E logo temos o concepto “perro”. Un animal moito máis esixido ao que se lle reclaman aptitudes e actitudes que satisfagan necesidades egocéntricas do ser humano. Son animais que viven en contornas altamente contaminadas e mesmo tóxicas para as súas cualidades e capacidades biolóxicas.

Cans alimentándose/GC

Esas novas funcións impostas ós “perros” tamén se lles impoñen –adaptadas a cada circunstancia- a gatos, serpes e mesmo peixes.

Todas as persoas que lexislan e/ou consumen as innovadoras tendencias de loita contra o cambio climático e a entelequia dos territorios “vaciados” deberan ter bastante máis en conta o coñecemento científico e moito menos a nova moralidade das sociedades estabuladas.

Un bo exercicio é sentarse coa xente que vive no medio rural e contarlles o que se fai nos espazos urbanos e semi urbanos cos cans. Baste ver como se lles enchen de bágoas os ollos e como miran para os seus cadelos. Non digo máis…

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...