InicioPolíticaOs socialistas do Incio instan ao goberno local a presentar proxectos nas...

Os socialistas do Incio instan ao goberno local a presentar proxectos nas liñas convocadas pola Xunta

O Psoe do Incio quere que o concello solicite subvencións para rehabilitar edificacións e vivendas de titularidade municipal para destinalas ao alugamento social, con carácter plurianual). E as subvencións que a Xunta da aos concellos destinadas á execución de obras de abastecemento, saneamento e depuración.

Publicado o

POR
Redacción
- Advertisement -

Dende o Grupo Municipal do PSdG-PSOE do Incio instan ó goberno local a que presente proxectos nas liñas de axudas de Augas de Galicia para dotar de abastecemento ós veciños/as do núcleo de Santa Cruz de Oural pertencente á parroquia de Vilademouros. “Ata o de agora dispoñen dunha traída veciñal pero o caudal de auga non é suficiente para cubrir as necesidades da poboación e as instalacións están obsoletas,” sinalan.

O Grupo Municipal do PSdG-PSOE xa se interesou por estas obras no pleno ordinario celebrado en outubro de 2020, e solicitaron que se incorporara na relación de obras a incluír no Plan Único 2021, sen que así se considerara polo goberno popular. “O Goberno local non debe desaproveitar esta liña de axudas, que poden chegar ata os 50.000€, e deste xeito solucionar o problema de abastecemento que sofre este núcleo de Santa Cruz.”

Na liña de axudas do Instituto Galego de Vivenda e Solo, os socialistas demandan que dende o Concello do Incio se presente un proxecto para a mellora e acondicionamento das vivendas municipais baleiras sitas na capitalidade do Incio.  “Unhas vivendas dos anos oitenta, que precisan polo paso do tempo de melloras, entre outras: a substitución do tellado, ventás, así como mellora da eficiencia enerxética destas instalacións. Unha vez executadas as obras, as vivendas poderán alugarse cun fin social a familias interesadas en vivir no noso municipio.”

Tamén demandan desde o PSOE que o Concello do Incio elabore un estudo para analizar as necesidades de infravivenda que existen no termo municipal, e de ser o caso, se xestionen e presenten proxectos para as vivendas que se encontren en mal estado de conservación e os propietarios non dispoñan de recursos económicos para acometer as obras que permitan ter as condicións de habitabilidade.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...