O BNG de Lugo-Sul celebrou unha Asemblea Comarcal na que se levou a cabo o debate sobre as teses que o Consello Nacional aprobou semanas antes e no que se trataron achegas de interese para o sur de Lugo e as peculiaridades dos seus concellos.
Se ben, como resalta a responsable comarcal “a visión e as problemáticas nosas xa estaban incluídas nas teses onde se introduce por vez primeira unha visión da demografía que ten en conta a tendencia decrecente de poboación no noso territorio. Estás medidas teñen que que ir unidas a políticas activas de desenvolvemento socioeconómico que fagan das oportunidades o polo de atracción de poboación e manteñan a que temos.”
De non ser así desde o BNG consideran que seguirán perdéndose servizos públicos e anulando oportunidades por iso apostan por unir á sociedade co territorio. Esta formación política celebrará a súa Asemblea Nacional o 7 de novembro na Coruña e cuxas teses recibiron o apoio unánime da Asemblea Comarcal de Lugo Sul.