HomeTerra de LemosPantónO BNG reproba o anuncio "propagandístico" dun 3º médico para o centro...

O BNG reproba o anuncio “propagandístico” dun 3º médico para o centro de saúde de Pantón

Carme Aira afea o compromiso por coincidir coa proposta do Bloque hoxe no Parlamento: “mentres non se materialice, é un médico de nota de prensa”.

Publicado o

- Advertisement -

A deputada nacionalista Carme Aira vén de recriminarlle á Xunta no Parlamento galego o anuncio realizado sobre a cobertura estable da terceira praza de médica no centro de saúde de Pantón. Segundo traslada o bloque nacionalista, a Xunta fixo o anuncio “dun modo oportunista, efectista e propagandístico”, pois “curiosamente” anunciouno no día de hoxe, cando se debate unha iniciativa do BNG na que se insta ao Goberno galego a repoñer a totalidade do persoal facultativo do centro.

“Vese que médicas e médicos hai, o que pasa é que o Sergas espera a que se traian ao Parlamento iniciativas deste tipo para inactivalas prometendo estabilidades para as e os profesionais e para atención sanitaria, aínda que nesa nota de prensa se subliña que será realidade nas vindeiras semanas”, reprochou, para advertir a continuación das promesas realizadas previamente en numerosas ocasións polo Goberno do PP e que foron incumpridas.

“Mentres non se materialice esta decisión e o ou a facultativa estea desenvolvendo o seu labor no centro de saúde, este é un médico de nota de prensa”, concluíu con severidade do anuncio que, ao seu xuízo, “é para deixar tranquilo ao alcalde, que andaba algo atribulado con este tema, e veremos en que remata esta promesa” e que, segundo recalcou tamén, “non invalida por tanto a iniciativa parlamentaria do BNG”, que foi aprobada finalmente por unanimidade na Cámara galega.

ÚLTIMAS

Este 22 de agosto XV Feira de Artesanía e Produtos da Terra do Incio

Os expositores abrirán os stands ás 11:00h para media hora dar comezo aos obradoiros...

Está a arder Roxe de Sebes?

Em Soldom contarom-nos que naquela altura houvo quem pensou que César que podia ser...

Deteñen en Bóveda unha persoa requirida por un xulgado de Huesca

A Garda Civil detivo a unha persoa na localidade lucense de Bóveda tras non...

A Pobra do Brollón celebrará As Cores do Outono o 27 de setembro

O Concello da Pobra do Brollón vén de presentar o cartel da XI edición...