InicioPolítica24.000 pavos serán criados no Saviñao a través das axudas da Xunta...

24.000 pavos serán criados no Saviñao a través das axudas da Xunta de Galicia

Publicado o

- Advertisement -

Recentemente o LX facíase eco das queixas manifestadas pola Asociación de Criadores de Ovino e Caprino de Galicia (OVICA) polo total abandono que están a sufrir por parte da Xunta de Galicia. Sen embargo, dende o goberno autonómico parece que non están dacordo coas queixas vertidas por esta parte do sector agrario e o 4 de outubro anuncian o seu investimento de 5.4 millóns de euros en pequenas explotacións, plans de melloras e programas de incorporación de mozos ó agro.

En total, a Xunta de Galicia investiu máis de 5 millóns de euros, mediante subvencións e a través da Consellería de Medio Rural, en 86 explotacións gandeiras e agrícolas do sur lucense, concretamente, na comarca de Lemos, Quiroga e Chantada.

Entre os gastos subvencionables por esta axuda de carácter anual, destacan a compra de maquinaria, gastos para a elaboración de proxectos técnicos de construcción ou reforma de explotacións, permisos, licenzas, plantación e mellora de cultivos, compra de terreos e adquisición e desenvolvemento de programas informáticos, ademais de apoiar de xeito económico á incorporación das novas xeracións no sector agrario.

José Manuel Balseiro, delegado territorial da Xunta en Lugo, estivo no Saviñao visitando a empresa Agromuiño, que exemplifica á perfección os apoios ofrecidos polos populares ó sector primario. O delegado de Xunta salientou que esta empresa, a través dun plan de mellora, conseguiu diversificar a actividade actual do leite vacún e incorporar a produción avícola, ata o punto de que esperan producir 24.000 pavos. A estas novidades, tamén se lle suman a incorporación dun mozo menor de 30 anos para exemplificar á incorporación ó sector das novas xeracións.

Segundo Balseiro, proxectos como o do Saviñao demostran que a Xunta está no camiño correcto cando aposta por fomentar o sector primario mediante a modernización e a aposta polo relevo xeracional.

 

ÚLTIMAS

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...