HomePolíticaO PP reclama melloras para a estrada provincial que dá acceso á...

O PP reclama melloras para a estrada provincial que dá acceso á fervenza de Augacaída, en Pantón

"O mal estado da estrada á fervenza de Augacaída é claro exemplo da falta de compromiso do goberno provincial co desenvolvemento turístico da Ribeira Sacra", denuncian os populares.

Publicado o

POR
Redacción
- Advertisement -

O portavoz do Grupo Provincial Popular, Antonio Ameijide, condena que “o mal estado das vías que son titularidade da Deputación de Lugo dificulte a mobilidade dos veciños e veciñas da provincia”, tal como denunciou na visita ao municipio de Pantón esta semana. Referiuse á estrada LU-P-4107 que une Segade e Marce, “como exemplo da falta de compromiso do goberno provincial co desenvolvemento turístico da Ribeira Sacra”.

Esta vía comunica co lugar da fervenza de Augacaída, un dos puntos turísticos máis visitados da provincia; “pero o seu estado non convida a circular por ela. Os veciños non dispoñan dunha vía en boas condicións e perxudícase aos negocios da contorna polas dificultades que atopan os turistas para acceder á zona”.

Os populares demandan ademais zona de aparcamento para dar servizo a este espazo, “á vista de que o acceso á fervenza é bastante estreito e acumula bastante tráfico en temporada alta, sería positivo acondicionar unha zona de aparcamento”.

Ao mal estado das estradas provinciais, Ameijide engade que “o goberno provincial de PSOE e BNG vén de aprobar os orzamentos da Deputación para o 2024 no que conxelan o investimento para información e promoción turística”.

Durante a visita ao municipio, os populares tamén subliñaron “o castigo do Goberno de Pedro Sánchez á zona sur da provincia á vista do mal estado da N-120 ao seu paso por Pantón”.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...