HomePolíticaJavier González, voceiro do PSOE na Pobra do Brollón, reelixido candidato socialista...

Javier González, voceiro do PSOE na Pobra do Brollón, reelixido candidato socialista á alcaldía

A Agrupación socialista celebrou este venres unha asemblea extraordinaria na que os militantes elixiron por aclamación a candidatura de Javier González, o actual Secretario Xeral e Voceiro do PSOE.

Publicado o

- Advertisement -

Javier González, axente forestal, natural do concello, destacou que “dende este momento imos traballar para buscar as persoas idóneas para cada posto co obxectivo de confeccionar unha lista o máis plural posible e que recolla as diferentes sensibilidades de toda a vila”.

Para os socialistas o último mandato do equipo de goberno foi tempo perdido e aseguran non estar dispostos a perder máis tempo, “dende o PSOE da Pobra do Brollón temos as forzas renovadas para facer fronte ao inmobilismo do goberno do BNG, que durante esta lexislatura non presentou ningún proxecto que mellorara a calidade de vida dos nosos cidadáns.”

Asegura o candidato que o seu obxectivo será fomentar e impulsar a xeración de emprego, aproveitando as oportunidades que ofrece o territorio, ao trátarse do municipio da Comarca de Lemos con máis masa forestal. Javier González puxo en valor “o esforzo dos meus compañeiros no Goberno da Deputación para poñer en marcha a residencia para maiores, unha prestación moi necesaria no municipio e que sempre foi unha das nosas prioridades. Ademais, dende o Executivo Provincial melloramos camiños e accesos, acondicionamos estradas provinciais e potenciamos a cultura, o deporte e o turismo”.

ÚLTIMAS

3ª edición de ‘Brincadeira’, o festival que recupera o ‘brindo’ na Pobra do Brollón

Brindadeira xurdiu no ano 2023 como parte dunha iniciativa do goberno municipal para recuperar...

75.000€ para mellorar a Praza Luis García Arias en Chantada

Esta praza reformárase hai 15 anos co bipartito para crear un espazo complementario aos...

Quiroga presenta as actuacións das festas de verán que se celebrarán do 7 ao 11 de agosto

As festas do xoves abriranse cun concerto do grupo local, Mario Colomán & The...

O PP de Ribas de Sil denuncia que non se convocan os plenos cada dous meses

Os concelleiros do PP de Ribas de Sil denuncian que o alcalde está a...