240.000 euros da Deputación para acondicionar 5 estradas en Folgoso do Courel

A voceira socialista, Carmen Álvarez, lamenta que a Xunta non teña a mesma implicación para arranxar estradas de titularidade autonómica, como a LU-651, para a que a Xunta leva incluído partidas que suman un total de 1,5 millóns de euros, pero nunca se executan.

Carmen Álvarez / PSOE Provincial

A voceira socialista explicou que os traballos realizaranse nun treito de 1,1 quilómetros da LU-P-1301, que vai dende Seoane do Courel ao Hospital e ramais a Piñeira, Lousada e Vila; a LU-P-1303, que vai dende Seoane- Visuña – Ferramulín, LU-P-1306, que vai dende Megoxe a Ferreira do Incio, a LU-P-4501, que vai dende Poio a Louzarela e accesos Meiraos e a LU-P-560, que vai dende Samos ao Courel e ramal a Santa Mariña.

As actuacións, que previsiblemente comezarán no vindeiro mes, consistirán na limpeza de cunetas, rehabilitación do firme con aglomerado en quente e incremento da seguridade vial coa renovación da sinalización horizontal e vertical.

Con respecto a LU-651, cuxo arranxo, os socialistas de Folgoso, califican de débeda histórica do PP co concello, presentaron unha emenda aos presupostos da Xunta para esixir o inicio inmediato da reforma integral de dita vía e un investimento de 1 millón que foi rexeitada polos populares”. E pregúntanse onde están os 6 millóns de euros que a Alcaldesa prometeu aos caurelanos para arranxar a estrada.

DEIXAR UN COMENTARIO

Please enter your comment!
Please enter your name here