A primeira saída estaba prevista para o pasado 16 de maio, pero o mal tempo obrigou a retrasala, co cal a tempada oficial de voos en globo pola Ribeira Sacra quedou inaugurada este sábado 22.

Nesta primeira viaxe, programada para o amencer, sobrevoouse a zona de viñedos de Belesar e por riba das nubes. A densa néboa favoreceu ese ascenso e o fenómeno atmosférico impresionou aos pasaxeiros.

Están previstos voos completos ata o día 30, aínda que se suspendeu o previsto para hoxe domingo porque as previsións meteorolóxicas apuntan a que a choiva fará acto de aparición na zona.

Todos os pasaxeiros e pasaxeiras da ponte das Letras Galegas -que non puideron voar- como os de este domingo, foron xa reubicados en novos voos. O Consorcio traballa así mesmo na posibilidade de ampliar datas en xullo e setembro para poder reducir a ampla lista de agarda.