A iniciativa, “12 meses, 12 loitas”, nace da necesidade de visibilizar este movemento. Desde o colectivo aseguran que a OPE negra do 12 de maio foi o punto de inflexión, que as levou a tomar medidas “vendo como as nosas condicións laboráis empeoraban por momentos, e sen ter dereito a réplica.”
Cada mes reivindican unha causa e este día 12 céntranse na conciliación laboral, polas dificultades que aseguran que teñen para conciliar familia e traballo nas actuais condicións do SERGAS para o persoal eventual.
Coa concentración do día 12 queren lembrarlle á cidadanía que loitan polos seus dereitos como traballadores e polos seus dereitos como usuarios do sistema público de saúde, “para que teñan unha asistencia de calidade como merecen”. Aseguran que a poboación debe de coñecer a realidade do que acontece co sistema de saúde, que dín “está lonxe dos datos falsos e contradictorios que ofrecen os políticos.”
