IniciosociedadeO IES de Quiroga acolle unha charla e unha exposición sobre saúde...

O IES de Quiroga acolle unha charla e unha exposición sobre saúde mental

Unha psicóloga e unha terapeuta da asociación Albores ofrecerán unha charla informativa sobre saúde mental e a II Exposicion Fotoxénica-Mente permanecerá no centro ata principios do vindeiro mes.

Publicado o

- Advertisement -

A sesión divulgativa terá lugar o 26 de setembro ás 10:50 horas e vai dirixida a rapaces e rapazas de 3º e 4º da ESO do IES de Quiroga.

A psicóloga Alba Revaldería, e a terapeuta ocupacional Tania Sobrado Ouro, traballadoras da asociación Albores Saúde Mental, achegaranse ao instituto coa finalidade de explicar nocións básicas de saúde mental ao alumnado. O obxectivo desta xornada é axudarlles a tomar conciencia da importancia de coidarse, detectar os síntomas máis habituais das enfermidades e saber que pedir axuda é tan importante neste tipo de enfermidades coma nas restantes.

Ademais desta charla, a entidade deixará durante uns días no IES de Quiroga a II Exposición Fotoxénica-Mente. As dúas accións forman parte das actividades que organiza Albores partindo de que o pasado Día Mundial da Saúde Mental fora dedicado á xente nova, motivo polo cal a campaña de información e prevención actual céntrase na sensibilización da mocidade.

Albores Saúde Mental é a asociación de referencia da zona sur de Lugo na promoción da saúde integral das persoas con enfermidades mentais, así como na preocupación pola mellora da calidade de vida dos doentes, das súas familias e a da comunidade. Para achegarse a esa fin esta entidade sen ánimo de lucro realiza actividades de prevención, tratamento e rehabilitación no eido da saúde mental.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...