O Hospital comarcal de Monforte convertíase na tarde do mércores, 15 de abril, no primeiro hospital de Galicia sen ningún paciente hospitalizado por Covid19. Durante a mañá, Sanidade informaba de que este centro contaba con 3 hospitalizados e pola tarde déuselles a alta. Daquela falábase de precaución porque a situación podería variar en calquera momento, pero segundo os datos de Sanidade deste domingo, neste centro hospitalario segue sen haber hospitalizados por Covid19 desde o pasado mércores.
A comarca de Lemos conta con varias persoas diagnosticadas de Covid19, que fan confinamento na casa, na provincia son 555 as persoas que están en domicilio. 8 pacientes seguen na UCI e 32 hospitalizados, igual ca onte; 4 na Mariña, 12 en Lugo na Virxe dos Ollos Grandes e o resto no HULA.
Os datos de casos activos de residencias de anciáns e centros de discapacidade da zona sur seguen estables. Mentres en Galicia aumentan a 444 os mortos por Covid19.
