O persoal do colexio remitiralle ao Concello do Incio a documentación que precisan os nenos e nenas para realizar os seus traballos e o Goberno local encárgase de imprimilos e repartilos a domicilio.

O persoal municipal será o encargado de entregar o material directamente nas casas do alumnado todos os luns mentres dure o confinamento. O servizo está pensado especialmente para aquel alumnado que non dispoña de impresora nas súas casas, polo que desta maneira se lle facilita o acceso ao material para seguir facendo as actividades escolares.

O alcalde, Héctor Corujo, amosa a súa disposición a colaborar co CEIP e coas familias “en todo aquelo que o Concello poida ser de axuda”.