Situación insostible na atención médica do Courel

C@urel Vivo asegura que reciben decenas de queixas pola mala atención que o facultativo de medicina ofrece ós pacientes no centro de saúde de Seoane. As queixas van desde falla de interese, neglixencias á hora de prescribir fármacos, tramitar volantes ou a negarse a ir a visitar pacientes á domicilio...etc

Arquivo / C@urel Vivo

Aseguran desde e a formación política que xerencia de Lugo é consciente da situación,  xa que varios veciños/as fixeron reclamación á Atención ó Paciente.

Desde C@urel Vivo din que non poden permitir unha mala atención sanitaria á veciñanza, “Xa que moitos usuarios están a cambiar a tarxeta para concellos limítrofes ou deciden non ir ó medico, co risco que iso con leva. Polo tanto, pedímoslle ó Sergas e  á  Xunta de Galicia, que deixen de mermar a atención sanitaria no noso Concello.”

C@urel Vivo solicita que esta praza de inclúa nas oposicións para cubrila de forma estable e con persoal apto, “Non nos vale, que nos envíen facultativos que non estean á altura no seu posto de traballo ou que cubran os dous Centros de Saúde que temos no Courel, co mesmo médico (como fan case en tódalas vacacións).” Insisten desde a formación política que este Centro de Saúde é vital para a metade da súa poboación.

DEIXAR UN COMENTARIO

Please enter your comment!
Please enter your name here