IniciosociedadeVarias testemuñas declararán en setembro no caso da morte da cadela Alma

Varias testemuñas declararán en setembro no caso da morte da cadela Alma

O xulgado que investiga a morte da cadela Alma en Chantada a finais do pasado ano 2019 citou a declarar o 11 de setembro a varias testemuñas, entre eles os axentes que detiveron ao acusado e ao veterinario que atendeu ao animal.

Publicado o

- Advertisement -

Segundo informa o partido animalista Pacma, parte personada no caso como acusación particular, o proceso contra o cazador acusado dun delito de malos tratos animais contra o resultado de morte continuará no mes de setembro, cando declararán os axentes, o veterinario e outras testemuñas do caso.

O pasado mes de decembro, o caso de Alma viralizouse ao difundirse un vídeo por redes sociais no que se vía a un cazador disparando á cadela, que acababa de dar a luz, á que despois arrastraba polo chan tras atala cunhas cordas. O caso xerou unha onda de indignación con manifestacións por toda a xeografía española para reclamar un endurecemento das penas por malos tratos animais.

Agora, o acusado enfróntase a un delito de malos tratos animais con resultado de morte solicitado pola acusación particular do partido animalista Pacma, que lembra a súa negativa para alcanzar un pacto coa defensa para a redución da petición. O proceso xudicial iniciouse en decembro de 2019. Nese momento, o acusado, ao que se lle retirou a licenza de armas, acolleuse ao dereito a non declarar e dixo non ser el quen aparecía no vídeo.

ÚLTIMAS

Un home de Sarria enfróntase a un ano de prisión por acosar a unha muller a través das redes sociais e pola rúa

O Xulgado do Penal número 1 de Lugo acollerá este xoves a vista oral...

Penas de ata dous anos e medio para os cinco responsables da empresa de seguridade Alcor

O Ministerio Fiscal solicitou este mércores na Audiencia Provincial de Lugo, na última sesión...

“Non se poden deixar pobos sen atención médica durante semanas”, denuncia Pladesapu

Nesta situación e ante as últimas protestas a resposta desde a xerencia foi que...

115.000€ da Deputación para a mellora de vías na parroquia lancaresa de Río

Os 115.000€ que aporta a Deputación supoñen o 96% do orzamento total das actuacións...