Dos 1.623 casos activos de coronavirus en Galicia, 136 corresponden á provincia de Lugo, 23 máis ca onte, dentro dos que se atopan os 8 casos do foco detectado este martes na rúa Duquesa de Alba de Monforte. Ás 14.00 horas de hoxe xa se confirmaban desde Sanidade un total de 28 casos do foco de Monforte.
960 corresponden á área da Coruña e Cee –39 máis que este martes–; 138 á de Vigo –un menos–, 84 á de Pontevedra e O Salnés –nove máis–; 145 á de Ourense –14 máis–; 91 á de Santiago –24 máis– e 69 á de Ferrol –dez máis–.
En total en Galicia rexístranse 118 casos máis ca este martes e 5 persoas atópanse na UCI con diagnóstico de coronavirus. Toda a información no Lugo Xornal.
