IniciosociedadeO concello do Incio pide un cribado masivo para toda a poboación

O concello do Incio pide un cribado masivo para toda a poboación

O alcalde, Héctor Corujo, atópase en contacto permanente coa Xunta de Galicia para coñecer o protocolo a seguir co foco da residencia de anciáns neste concello. Tras coñecer os resultados o rexedor vén de pedirlle ao Goberno galego que practique probas PCR a toda a poboación para tratar de atallar o brote; polo menos, probas para os familiares dos usuarios e traballadores da residencia afectada.

Publicado o

POR
Redacción
- Advertisement -

O Concello do Incio tivo constancia este xoves, 20 de agosto, a través do Sergas dos resultados das probas PCR practicadas ao persoal e usuarios da Residencia, xestionada pola Fundación San Rosendo, tras o positivo dun traballador.

As probas confirman:

  • 65 usuarios positivos 
  • 4 traballadores positivos 

O Goberno local mantén a súa total colaboración co centro para aquilo que poidan precisar. Ademais de reforzar os traballos de limpeza e desinfección non só na contorna da residencia senón en todo o termo municipal.

Recoméndase a todos os veciños e veciñas seguir todas as medidas sanitarias, manter as distancias, facer un uso correcto da máscara e ser prudentes e responsables.

Dada a magnitude do brote no centro xeriátrico, Héctor Manuel Corujo sinalou que, ademais de manter as medidas de prevención xa implementadas, o goberno local está a exporse suspender certos “servizos sensibles”, como o servizo de axuda a domicilio.

O rexedor do Incio sinalou que “aínda se está investigando” a orixe dese importante brote, xa que “non hai casos positivos, que se saiba, no pobo”. De feito, apuntou que, nas últimas horas, cando se fixo público que un traballador da residencia era positivo en COVID, “houbo certo nerviosismo” na localidade, e algúns veciños sometéronse a probas PCR “de forma particular e privada”. “Pero todos deron negativo”, sinalou.

ÚLTIMAS

Unha apertura de portas nun encoro pon en perigo a dous pescadores en Carballedo

Os pescadores puideron saír polos seus propios medios despois de pedir axuda ao 112...

Primeira xuntanza sobre “Comunidades de Montes Veciñais e en Man Común, Montes de Saberes”, o 24 de abril ás 16:30 no auditorio de Escairón

A actividade enmárcase no proxecto Comunidades Rurais Sostibles desenvolvido por Acción contra a Fame...

Os libros protagonizan varias actividades en Bóveda

O programa Ler Conta Moito trouxo este martes ata o Centro Sociocultural de Bóveda...

Mes dos Libros e das Letras Galegas na Biblioteca Municipal de Chantada

A primeira proposta será o 26 de abril ás 18:00h con Conta e canta...