Terceiro morto na residencia do Incio

Un home de 68 anos usuario da residencia de maiores do Incio faleceu este sábado, de forma que é a terceira morte en relación con este brote. Segundo informa a Consellería de Sanidade na tarde deste sábado, o home faleceu no Hospital Lucus Augusti (HULA) de Lugo, onde se atopaba ingresado, e presentaba patoloxías previas.

Esta semana detectouse un brote na residencia da Fundación San Rosendo do municipio lucense do Incio que provocou outras dúas mortes, dous homes de 93 e 77 anos.

Esta residencia atópase intervida pola Xunta e actualmente conta con 64 casos activos –56 maiores e oito traballadores–, tras tres falecementos.Deste xeito, o total de falecidos en Galicia ascende a 632, nunha xornada na que tamén se coñeceron as mortes de tres persoas na área da Coruña.

DEIXAR UN COMENTARIO

Please enter your comment!
Please enter your name here