A provincia rexistra este sábado, 5 de setembro, 804 casos activos, son 53 casos máis ca onte, pero ao producirse 45 altas, contabilízanse 8 máis ca onte. En hospitalización na provincia contabilízanse 57 persoas, 13 máis ca onte, 3 na Mariña, 1 en Monforte, 4 na UCI no HULA e o resto en hospitalización nestes centro sanitario. 747 pasan a Covid19 no seu domicilio.

Nas residencias da zona sur mantéñense os casos de infectados con 84 usarios e 34 traballadores na residencia do Incio e un traballador da residencia DomusVi de Monforte.

O brote de Monforte contaba este venres, segundo os datos de sanidade, con 88 casos activos, despois de terse producido 46 altas acumuladas neste gromo do que se levan feito 1.800 PCR. Onte foron 96 e contabilizáronse 2 novos positivos.

Galicia detectou nas últimas 24 horas 293 novos positivos por coronavirus e os casos activos incrementáronse en 55, ata situarse en 4.137, de acordo cos datos difundidos este sábado pola Consellería de Sanidade, tomados na tarde do venres.