A residencia do Incio recupera a 24 persoas e falecen dous usuarios máis

Falecen catro persoas que foran diagnosticadas por coronavirus, dúas delas estaban ingresadas no HULA e eran usuarios da residencia do Incio; unha muller de 87 anos e un home de 77 anos que presentaban patoloxías previas.

Por

Redacción

13 Setembro, 2020

2020_9_4_81006s740x — Unha sanitaria nunha xanela da residencia de anciáns do Incio, en Lugo (España), onde se detectou un brote de coronavirus, o 20 de agosto de 2020. | Fonte: GC

A residencia do Incio xa suma 19 falecidos por Covid19, ademais das dúas mortes de onte as anteriores dúas producíanse o pasado día 9.

Tamén se informa de que se producen altas, as de 16 usuarios deste centro, ao tempo que aparece un novo positivo; e tamén a alta por curación de 8 traballadores. Así este centro conta agora con 60 usuarios infectados e 36 traballadores. Segue infectado o traballador da Domusvi de Monforte.

Na provincia cóntase con 814 casos activos, 36 menos ca onte, 63 están en hospitalización, 3 na Mariña, 3 en Monforte, 17 no Polusa e o resto no HULA que conta con 3 pacientes na UCI. 748 pasan o digasnóstico en domicilio.